Linux/Giriş

Wikibooks saytından

Linux, çox populyar, sərbəst paylanan əməliyyat sistemidir.

Linux nüvəsinin(kernel) yaradıcısı, Linus Torvalds, 28 Dekabr 1969-cu ildə Finlandiyanın Helsinki şəhərində anadan olmuşdur. O, 10 yaşında ikən babası ona Commodore VIC-20 kompüterini almış və Linus da bu kompüterdə babası üçün bəzi statistikaları tutmaqda kömək etməyə başlamışdır. Beləliklə, kompüterlə bərabər gələn bəzi proqramların əl kitabçalarını oxuyaraq bir çox sadə proqramı öyrənmə fürsəti əlinə keçmişdir. Linus Torvalds Helsinki universitetinin kompüter elmi ixtisasına girdiyi zaman isə artıq bacarıqlı bir proqramçı idi.

1991 ilində, C və Unix dərsləri aldığı vaxt özünə fərdi kompüter aldı. Kompüterlə bərabər gələn əməliyyat sistemini bəyənmədiyi üçün öz əməliyyat sistemini yazmağa qərar verən Linus, o vaxtı bir Hollandiyalı professor tərəfindən yazılan və mənbələri açıq olan MINIX əməliyyat sistemi ilə maraqlanmağa başladı. Beləliklə Linus MINIX-in əsasında daha imkanlı bir əməliyyat sistemi yaratdı. Linus və MİNİX kəlmələrinin birləşməsindən Linux sözü əmələ gəldi.

Linus Torvalds öz əməliyyat sistemində GNUnun yaradıcısı olan Richard Stallmanın da əməyinin keçdiyini söyləyir, ona görə ki Linux-un yaradılmasında GNU layihəsi tərəfindən yazılan proqram hissələri istifadə edilmişdi.