Qadağan olunmuş sevgi

Deyirəm qismətmi yoxsa talemi
Birləşə bilmirik ayrı qalmışıq
Qadağa olunmuş sevgiylə yanıb
Alovlar içində çaşqın qalmışıq

Bilmirik hayana haraya gedək
Hansı sahillərin qonağı olaq
Yanan alovların içində birgə
Çırpınan Xəzərin qonağı olaq?

Deyirik danışıb görüşməyək biz
Bir daha sarılıb öpüşməyək biz
Günahı işləmiş bəndələr kimi
Alovlar içində alışmayaq biz

Səsini duyduqda uçmaq istərəm
Sən olduğun yerə qanad açaraq
Baxmayıb əngələ maneyəyə
Bir tək sənə doğru gəlmək istərəm

Toxunmaq istərəm öpmək istərəm
əlimi boynuna salmaq istərəm
Hər şeyi unudub sənin olaraq
Xəyallar qoynunda uçmaq istərəm.

Tarix:2009
Müəllif: Paradoks