Resept:Pərəməç

Vikikitab, açıq dünya üçün açıq kitablar
(Resept:Pərəməçə səhifəsindən yönləndirilmişdir)


Pərəməç — tatar açıq peraşkisi.

İnqrediyentlər[redaktə]

Bu peraşkinin hazırlamaq üçün aşağıdakı ərzaqlar lazımdır:

  • 100 qram kərə yağı;
  • 2 stəkan un;
  • Bir çimdik duz, soda;
  • 1 stəkan kefir və ya qatıq;
  • 2 yumurta.
İçlik üçün
  • Ət;
  • Kartof;
  • Soğan;
  • Duz;
  • İstiot

Hazırlanması[redaktə]

100 qram kərə yağı əridilir; un, duz, soda əlavə edilib qarışdırılır. Sonra 2 yumurta, 1 stəkan kefir və ya qatıq əlavə edilir. Xəmir yoğrulur, lazım olarsa un əlavə edilir. Xəmir pelmeni xəmiri kimi yumşaq olmalıdır.

İçi hazırlanır. Çiy kartof, soğan və ət kubik formasında doğranılır. Duz, istiot qarışdırılır.

Xəmirdən gürcü xəngəli kimi balaca kökə düzəldilir. Ortası boş saxlanılır. Ortasına hazırlanmış iç qoyulur və kənarları bükülür.

Soba tavasına yağlı kağız sərilir və 200 dərəcədə bişirilir. 20 dəqiqədən sonra sobaya baxılır bu zaman peraşkilərin içərisində maye yaranacaq. Onda hər bir peraşkinin içərisinə bir qədər kərə yağı qoyulur və tava yenidən sobaya qoyulur.

20 dəqiqədən sonra yenidən sobaya baxılır. Peraşkilər qızarmağa başlayır, daxilindəki bulyon qaynayır. Peraşkilərin üzərinə yumurta çəkilir və qaşıqla içliyi yüngülcə basılır.

Daha 15 dəqiqə sobada qızardılır. Bundan sonra peraşkilər hazırdır. Peraşkilər bir qazana yığılır və qapağı örtülür. Soyuyanda yemək olar.

Mənbə[redaktə]

Wikipedia logo
Wikipedia logo
Pərəməç haqqında Vikipediyada məqalə var.