Resept:İtburnu kompotu

İtburnu kompotu - Qida qəbulundan (əsasən nahar və şam yeməyindən) sonra, toy və ziyafət məclislərində, qonaq qəbul edildikdə, isti günlərdə susuzluğu yatırmaq üçün içilir.

Tərkibi

Bu içkidən 4 pay hazırlamaq üçün aşağıdakı ərzaqlar lazımdır:

İtburnu – 250 q, şəkər – 120 q, şərab – 20 q, limon turşusu – 0,8 q, su - 4 stəkan.

Hazırlanma qaydası

İtburnu meyvələri yuyulub, təmizlənir. Azca suya meyvələr əlavə edilir. 10-12 dəqiqəyə qədər bişirilir. Suda şəkər həll edilib əlavə edilir

Kompotu ətirləndirmək üçün ona limon və ya portağal qabığı, yaxud darçın əlavə etmək lazımdır. Soyuduqdan sonra üzüm şərabı qatıb, qablara tökür və soyuq yerdə saxlayırlar.

Zərif itburnu sortlarından kompot hazırladıqda, meyvə qaynayan suya tökülüb, dərhal götürülür və soyuyana qədər qapağı örtük halda saxlanılır. Bu zaman kompotun suyu şəffaf, meyvələr isə bütöv olur.