Resept:Şaftalı mürəbbəsi
| Şaftalı mürəbbəsi | ||
|---|---|---|
 | ||
| Kateqoriya: | Şirniyyatlar | |
| Porsiya: | 20 | |
| Enerji qiyməti: | 1000-1500 kkal. | |
| vaxt: | 2 saat | |
| Hazırlanma mürəkkəbliyi: | 
| |
Tərkibi
[redaktə]- 4 kq şaftalı (təmizləndikdə 1 kq itkiyə getdiyini nəzərə alsaq 3 kq bişiriləcək)
- 3 kq şəkər tozu
- şirə üçün 1 və ya 1,5 stəkan su (şəkər tozundan asılı olaraq)
- 1/2 limon duzu
Hazırlanma qaydası
[redaktə]4 kq bərk şaftalının qabığı nazik soyulur. Soyulmuş şaftalı 1,5 sm enində uzunsov dilimlənir. Dilimlədikdə bıçaq tuma doğru istiqamətlənir. Belə olduqda dilimləməyə az zaman sərf edilir. Dilimlərin çəkisi təmizləndikdən sonra 3 kq. bərabər olur. Dilimləri əvvəlcədən hazırlanmış şirəyə əlavə edib bir qədər odun üzərində saxlayırıq. Qarışdırmaq məqsədilə bişirilən qab kənarlarından tutulub silkələnir. Dilimlərin bütöv qalması məqsədilə qaba qaşıq daxil edilmir. Qab təxminən 15 dəqiqədən sonra kənara qoyulur. Soyuduqdan sonra yenidən odun üzərinə qoyulur. Bu o məqsədlə edilir ki, dilimlər şirəni özünə yaxşı çəksin və əzilmə baş verməsin. Bişənə qədər bu bir neçə dəfə təkrarlanır. Belə halda mürəbbə daha gözəl alınar. Qaynama zamanı yaranmış kəf yığılır. Tam bişməni şirəni və dilimləri yoxlamaqla bilmək olar. Odun üzərindən götürdükdən sonra mürəbbənin rənginin şəfaflaşması məqsədilə 1/2 çay qaşığı limon duzu əlavə edilir. Limon duzu əvvəlcə az miqdarda suda açılmalıdır.
Şirə: 3 kq. şəkər tozu və 1,5 stəkan su.