Resept:Kartoflu qızardılmış balıq

Tərkibi

Balıq – 500 qr.
Yağ – 1 stəkan.
Urva (üyüdülmüş quru çörək) – 20 qr.
Un və ya manna yarması.
Kartof – 8 orta ölüçülü.
Soğan – 1 baş.
Narşərab – 100 qr.
Sarımsaq – 2 dilim
Keşniş – 15 qr.
Duz - zövqə görə.

Hazırlanma qaydası

Balıq təmizlənir, duzlanıb yuyulur və urvalanır. Tavada yağ qızardılır və balığın hər iki üzü qızardılır. Balığı qızardarkən dərisində kəsiklər açmaq lazımdır. Kartof suda qabığı soyulmadan bişirilir. Sonra qabıqdan təmizlənir və 2–4 hissəyə bölünür. Bişmiş balıq tavaya qoyulduqdan sonra ətrafına kartof düzülür, üzərinə duz və istiot səpilib, fırında 5–7 dəq bişirilir. Narşəraba duz və sarımsaq qatılaraq qarışdırılır, üstünə doğranmış keşniş əlavə edilir. Balıq qaba qoyulub, üstünə halqavarı doğranmış soğan səpilir və narşərab tökülür.